"RAJA LEUWEUNG"

(bag 4)

NGADENGE UAR PANGAJAK PARA PAJABAT NAGARA DINA ENGGONING NEGAK'KEUN HUKUM KA PELAKU PELANGGARAN ILEGAL LOGING, ABAH SUANTA UKUR BISA KAMENYAN KONENG SEURI LEUTIK JERO ATI.

NU DISEBUT ILEGAL LOGING TEH SINGHORENG MAH DIJIEUN KA PIANDEL PIKEUN MINDINGAN LAMPAH NU LEUWIH RONGKAH NGA-EKSPLOITASI KAKAYAAN LEUWEUNG KAASUP NUARAN TANGKAL KAI GOLONDONGAN DI LUAR PULO JAWA, BARI NYUMPUT DINA JERO ATURAN NU DISEBUT IZIN “HAK PENGELOLAAN PERUSAHAAN HUTAN INDUSTRI” JEUNG REA-REA DEUI ATURAN ANU NGAN UKUR ISAPAN JEMPOL KADAL SAMATA. NU BUKTI MAH AKIBATNA LEUWEUNG SUMATRA BEAK, LEUWEUNG KALIMANTAN ACAK-ACAKAN. 

PAJAR CENAH JAGAT URUT DIGALAKSAK BISA DIMANGPAAT’KEUN JADI SAJUTA LAHAN PERTANIAN,  ARI SEUG TEH BORORA’AH NING BISA DIPELAKAN NU PUGUH MAH MUN DIPELAKAN TANEUHNA OGE KALAH KA ANCUL-ANCULAN.  TAPI TEU KIREUM-KIREUM MASIH KENEH BOGA ALESAN PAJARKEUN TEH ADATNA CENAH, DA ETA MAH DISEBUTNA OGE “LAHAN GAMBUT”..DASAR, JENGKOL AYA USUMNA EKOL MAH PARAT AYA SAPANJANG JAMAN..HA HAHA....​.!!

HARITA BAH SUANTA ASAKU BEUKI NGEUNAH PISAN SEURI NGABARAKATAK, NYEUNGSEURIKEUN TINGKAH POLAH RAJA LEUWEUNG AMATIRAN NU AYA DI PULO JAWA, SABAB ISTILAH ILEGAL LOGING MANI MAKSA DITERAPKEUN KA PARA SADUL KAI TI LEUWEUNG ANU GEUS HEUREUT. 

NGAHAJA DIGEMBOR-GEMBORKEUN YEN ILEGAL LOGING TEH PALANGGARAN BEURAT PISAN, PIKEUN MARANEHANANA ANU KUMAWANI MALING KAI TEU KORDINASI JEUNG RAJA LEUWEUNG. TATAR PASUNDAN GEUNJLEUNG KU BABASAAN ILEGAL LOGING KAWANTU RAHAYAT RESEP GEHGERAN TEU WUDU JADI SABIWIR HIJI,  PARIBASA AWAS “ILEGAL LOGING” MATAK RISI MATAK GIMBIR URANG PASIR.

PATOKANANA ARI ANU DISEBUT MALING KAI KATAGORI “ILEGAL LOGING MAH” UKURANANA KUDU KANA “MEGA KUBIK” ATAWA “METRIK” HARTINA LOBA KABINA-BINA NEPI KA JUTAAN KUBIK, ARI IEU DITERAPKEUN KANU MALING UKUR ITUNGAN TREUK SOK KOMO DITIBANKEUN KANU MALING UKUR SATANGKAL SINGHORENG TEH NGAHAJA PIKEUN MEUNGPEUNAN “ILEGAL LOGING” SAENYANA NU DI LAKUKEUN DI LUAR PULO JAWA.  

SEDENGKEUN NU CENAH MAJAR ILEGAL LOGING PERKARA BEURAT TEH PAMUSTUNGANANA MAH DI PROSESNA ANGGER WE KU PASAL PENCURIAN DINA “KUHP”, NU ANCAMAN HUKUMANANA TEU LEUWIH TI LIMA TAUN PENJARA KITU OGE JARANG ANU JUNUN PALING BANTER UKUR SATAUN ATAWA BUBULANAN.  TUNGTUNGNA RAHAYAT LOBA ANU HUMANDEUAR NGARASA HIRUPNA KALUNTA-LUNTA TEU MEUNANG PANGRAWAT TI NAGARA, EKONOMI MANCAWURA TEU MAKE POLA NGAJADIKEUN HIRUP SAGALA TEU BOGA BISA DAHAR ISUK HENTEU SORE OGE GEUS NGARASA PIRANG-PIRANG UNTUNGNA.

KATAMBAH-TAMBAH ISU ILEGAL LOGING AHIRNA KANYAHOAN UKUR DIPAKE ALESAN SANGKAN RAJA LEUWEUNG TUMANINAH NEPAKEUN GEUGEULEUH KA RAHAYAT,  TEU MEUNANG NEANGAN KIPAYAH KEUR ANAK PAMAJIKANANA KU CARA NUARAN KAI SAMBARANGAN.  RAHAYAT BEUKI MOTAH KU KASUSAH UNGGAL POE DIUDAG KU RASA KASIEUN ANAK PAMAJIKAN TEU KA PARABAN, HAHARGAAN BAHAN PKO TING TEREKEL NARAEK JIGA NU BABALAPAN ANTUKNA NAGARA OLENG KEUNA KU MONETER KA PAPANJANGAN.

TEU JAUH TINA KAHARIWANG PARA GEGEDEN NAGARA NU GEUS TEU KAWASA NUTUPAN LOBANA CIDRA SUBAYA KA RAHAYATNA, CUNDUK WAKTU NINGGANG KANA MANGSA NITIS WANCI NU MUSTARI, JAMAN ROBAH SALIN JINIS NAGARA KEUNA KU ROBEDA, HURU-HARA DIMANA-MANA TEU DI KAMPUNG TEU DI KOTA RAHAYAT WANI NGARAH NGARINAH NGARANJAH HARTA NAGARA DA BONGAN PACUAN DIPIRUCAAN. KABEH SAPUK SAPAMADEGAN BOGA KAHAYANG NGAROBAH KAHIRUPAN KU JALAN NURUNKEUN KAKAWASAAN SANGKAN DIGANTI KU PAMARENTAHAN ANYAR.

BAH SUANTA SEURI....BARI NYARITA LIRIH..., HORENG TEU SAPIRA MUNGGUH KAABADIAN DUNYA, SAIRING-IRING DUMADI SATINCAK SAPARIPOLAH TEU LEUPAS TINA KERSANA “ANU MAHA KAWASA”.......

LEUWEUNG-LEUWEUNG PATING HARULENG GUNUNG GUNDUL NGARALAMUN PASIR BULISTIR SEDIH KINGKIN, BET TEU SANGKA PANGUASA JEUNG SI RAJA LEUWEUNG TEU BOGA TEMAH WADI LALI KANA PURWA DAKSI, NINGGALKEUN ALAM NU BARONGKEAK’KAN SUWUNG KU TUTUWUHAN LAAS TINA PEPELAKAN.  UTEUK TONGO WALANGTAGA RONG-ORONG GOGODONGAN MAHLUK NU AYA DI WHANA RAYA KABEH MUPAKAT,  MERE SUPATA KA PARA PAJABAT NU DURJANA GEUS NGARUKSAK JAGAT NUSANTARA.........!!! Cag.