"RAJA LEUWEUNG"

(bag 8)

SATUTASNA PANATARAN ABAH SUANTA MULANG DEUI KA PAKIDULAN REK MITEMBEYAN SEJA NYABA NGALALANA NGITUNG LEMBUR MAPAY DESA ANU SAAMPAR JEUNG KAWASAN HUTAN,  REK NAWARKEUN PROGRAM BARI SAKALIAN NGAJAK KA KADANG WARGA SUGAN JEUNG SUGAN KABIRUYUNGAN AYA ANU DARAEK JADI “RELAWAN NGARAWAT” KAWASAN HUTAN.

 
HIJI MANGSA BAH SUANTA MEUNANG ONDANGAN NGARIUNG TI PARA PAMUDA KATUT WARGA ANU AYA DI WEWENGKON “HUTAN JATI CIKAROYA” KACAMATAN SINDANGBARANG, ARI ANU JADI PUPUHU RIUNGAN TEH KERSANA BAPA “USTAD HERMAN” SANTRI PINILIH WEDALAN PASANTREN MOYAN DI PAKIDULAN. CUNDUK KANA WAKTUNA RIUNGAN DIBUKA KU PIDATO SAMBUTAN TINU NGONDANG DITEMA KU ACARA PANGWANOH TI BAH SUANTA KA SAKABEH WARGA, ANU HEMPAK MERBAYAKSA DARIUK DIAMPARAN SAMAK RARUBAK NGAHAJA DIGELAR DINA PALATARAN BALE KA DUSUNAN SISI LAPANG.

 
RENGSE WAWANOHAN BAH SUANTA MIMITI NYARITA PAMAKSUDAN DATANG DIONDANG KA ETA TEMPAT TAYA LIAN REK TUKEUR LUANG MASALAH AYANA PROGRAM “PHBM” PIKEUN NGARAWAT KAWASAN KATUT SUMBER DAYA ANU AYA DI HUTAN, SAACANNA NGADADARKEUN NGEUNAAN “PHBM” SALUYU JEUNG ATURAN NU TANGTU BAH SUANTA MEDAR HEULA MATERI HASIL PANATARAN ANU POK-POKANANA KIEU …:

 
DINA ALAM KA TUKANG SISTIM ATAWA POLA PENGELOLAAN KAAMANAN HUTAN GEUS DILAKSANAKEUN KU PARA KARUHUN URANG DI PASUNDAN, LUMANGSUNGNA TURUN-TUMURUN KA NINI AKI URANG SACARA TRADISIONAL NEPI KA GUBRAGNA NAGARA MERDEKA. TI WANCI HARITA PENGELOLAAN KAAMANAN HUTAN MAKE CARA PENDEKATAN POLISIONAL (Security Approach) UTAMANA PIKEUN KAWASAN HUTAN NU AYA DI PULO JAWA, CENAH MAH KAREK DINA AWAL  TAUN TUJUH PULUHAN GEUS AYA PAROBAHAN PINDAH KANA SISTIM ATAWA POLA PENDEKATAN KASEJAHTERAAN (Prosperity Approach) NU DIMIMITIAN KU AYANA PROGRAM REBOISASI JEUNG TUMPANG SARI.
 
TAUN 1974 KAHUTANAN NAGARA MIMITI NERAPKEUN POLA PENGELOLAAN HUTAN KU PROGRAM “MANTRI LURAH” (MaLu), SATERUSNA TAUN 1982 DIKEMBANGKEUN JADI PROGRAM “PEMBANGUNAN MASYARAKAT DESA HUTAN” (Pmdh) SANGGEUS DIAYAKEUN PANALITIAN TI TAUN 1984 NYA DINA TAUN 1986 LAHIR PROGRAM “PERHUTANAN SOSIAL” (ps).

 

SAJALAN JEUNG AYANA PAROBAHAN REFORMASI DI BIDANG POLITIK, SOSIAL JEUNG BUDAYA MANGARUHAN OGE KANA KUDU AYANA PAROBAHAN SISTIM PENGELOLAAN KATUT PEMBANGUNAN BIDANG KAAMANAN DISEKTOR KAHUTANAN, NYAETA KU CARA NYAMPURNAKEUN DEUI POLA PENGELOLAAN SUMBER DAYA HUTAN NGALIWATAN PAROBAHAN PARADIGMA ANYAR. UPAMANA WAE PAROBAHAN TINA POLA “Forest Timber Management” DIROBAH KANA “Forest Resource Management” JEUNG TINA POLA “Stated Based Forest Management” JADI KANA “Community Based Forest Management”. KITU CENAH BAHASA LEGEGNA MAH.

LAMUN DI SUNDA’KEUN MAH MEUREUN KIRA-KIRA KIEU : TINA ASAL “Hutan kayu manajemen jadi Manajemen sumber daya hutan”, JEUNG TINA “Pengelolaan hutan berbasis areal kawasan jadi Manajemen hutan berbasis masyarakat” KIRANG LANGKUNGNA MAH KU ABAH DISANGGAKEUN WE KA BARAYA SADAYANA.

TAH, KU AYANA TUNTUTAN REFORMASI NYA DINA TAUN 2001 LAHIR PROGRAM “PENGELOLAAN HUTAN BERSAMA MASYARAKAT” NU MIBOGA CIRI TUR SIFATNA : “BERSAMA-BERDAYA- JEUNG – BERBAGI” ANU BERBASIS KANA LAHAN JEUNG NON LAHAN. TAPI DINA PELAKSANAANANA ETA PROGRAM PHBM 2001 TEH LOBA HAHALANG JEUNG KENDALANA WALHASIL “KURANG FLEKSIBEL”, UTAMA DINA NINGKATKEUN INDEK PEMBANGUNAN MANUSIA KAWASAN HUTAN NU DIPACU MANGRUPA PROGRAM PAMARENTAH PAMARENTAH PUSAT WAKTU HARITA.

  
KU HAL SAKITU PIHAK KAHUTANAN NAGARA MUPUS PROGRAM “PHBM” TAUN 2001 DIGANTI KU PROGRAM “PHBM PLUS” TAUN 2007 DIHAREPKEUN BISA LEUWIH PLEKSIBEL, AKOMODATIF JEUNG KASADARAN TANGGUNG JAWAB SOSIAL (Sosial Responsibility) CEUK ABAH SUANTA, BARI MENTA DISADIAKEUN BOR TULIS KEUR NYATET ATURAN UMUM “PHBM PLUS”  SANGKAN DICATET KU WARGA NU NGABARANDUNGAN KALAWAN DARIA....!! Cag..