"RAJA LEUWEUNG"

(bag 6)

LAMUN NYOKO KANA ATURAN KU AYANA TATA-NIAGA KAI HUTAN RAKYAT DIKELOLA KU PAMARENTAH DAERAH SACARA TRANSPARAN KU AHLINA TUR MIBOGA DEDIKASI KANA KALESTARIAN LINGKUNGAN, REHABILITASI LEUWEUNG TEH PASTI KANA BISA GANCANGNA  NGAWUJUD. SABAB BIAYA PIKEUN NGAYAKEUN BIBIT TATANGKALAN KATAMBAHAN KU AYANA “DANA REBOISASI” ANU DIKUTIP TI PARA PATANI TEA. TAH NGALIWATAN MEKANISME NU GEUS DITANGTUKEUN, DANA REBOISASI TEH KUDU DIBALIKEUN DEUI KU PAMARENTAH KA PATANI MANGRUPA “BIBIT KAI NU SESUAI JEUNG KABUTUHAN LAHAN.

CONTONA :  UPAMANA BAE LEUWEUNG RAKYAT NU DIPIBOGA KU PARA PATANI DI CIANJUR PAKIDULAN SALILA DUA TAUN HARITA NGAHASILKEUN 1.000.000 M3 (SA JUTA METER KUBIK) KAI KALAWAN GEUS KAJUAL HASILNA, TINGGAL DIKALIKEUN KANA BIAYA RESMI “DANA REBOISASI” SATIAP KUBIK KAI ANU DIANGKUT HARGANA Rp 3.500,- (TILU REBU LIMA RATUS PERAK). BISA KABAYANG GEUS NGAHASILKEUN SABARAHA JUTA “BIBIT TANGKAL KAI” ANU KUDU GEUS KATARIMA KU PARA PATANI, KALAWAN BISA DI PELAKEUN DEUI DINA TANAH LAHAN GARAPANANA.

 

 SEDENGKEUN MEKANISME NA MAH SARUA JEUNG ANU DI LAKSANAKEUN KU PIHAK KAHUTANAN NAGARA DINA HAL NGAGALI DANA ADMINISTRASI PENGANGKUTAN HASIL HUTAN, NYAETA NGALIWATAN ADMINISTRASI  “PROVISI SUMBER DAYA HUTAN” ATAWA SOK DISEBUT  “PSDH”.  JADI SAKUDUNA MAH KAWASAN LEUWEUNG ATAWA KEBON RAKYAT DI PAKIDULAN TEH, GEUS MEUJEUHNA HEJO DEUI KU TATANGKALAN ANYAR NYAIMBANGKEUN KONSERVASI ALAM LINGKUNGANANA.

 
LAIN SABALIKNA SAPERTI KAAYAAN ANU KABANDUNGAN KU ABAH SUANTA AYEUNA  AMPIR RATA LEUWEUNG RAKYAT DI CIANJUR KIDUL GARUNDUL, SABAB TELAT BIBIT NU DISUBSIDI TINA DANA REBOISASI. PADAHAL SATADINA MAH YEN PENGELOLAAN HASIL HUTAN RAKYAT SESUAI JEUNG AMANAT “UU OTDA” TEH, SALIAN TI DIANDELKEUN KEUR NAMBAH-NAMBAH BIAYA REHABILITASI, OGE DIHAREPKEUN PIKEUN NGALESTARIKAEUN KAWASAN HUTAN RAKYAT KU CARA PROGRAM PERENCANAAN DARIA DINA HAL PENATAAN  JEUNG PENGGUNAAN HUTAN ANU DIGARAP KU RAHAYAT.

 

LEBAH DIEU ABAH SUANTA GEUS KUDU NGURUT DADA DEUI BAE SABAB BORO-BORO NING LEUWEUNG RAHAYAT NGEMPLOH HEJO KU TUTUWUHAN KAI ANYAR, BET TANAH LAHANNA OGE GEUS TEU KA URUS.  UKUR TUNGGUL KAI NU PARENTUL DEMPAK RATA JEUNG LEMAH.  MALAH CEUK ABAH SUANTA AYA ANU MATAK PIKASEURIEUN LAMUN HARITA NGABANDUNGAN TINGKAH POLAH INOHONG ANU MIRIP RAJA LEUWEUNG AMATIR BAHEULA TEA,  KEUR LEUBEUT KENEH MAH LEUWEUNG RAHAYAT KU TANGKAL KAI MARANEHANANA TEH MANI IJI-GIMBRANG PULANG ANTING MOMOBILAN KA PAKIDULAN CENAH REK NGARORIS TANGKAL KAI RAHAYAT ANU AREK DITUAR.

 
TAPI AYEUNA KANYATAANANA SANGGEUS LEUWEUNG RAHAYAT BEAK KOREDAS TANGKAL KAINA TARA NGELOL NGARIKSA LAPANGAN, TEU KATEMPO IRUNG-IRUNGNA ACAN. KILANGBARA NGAYAKEUN BIMBINGAN MAH KUMAHA CARANA SANGKAN RAHAYAT RESEP DEUI MELAKAN, JEUNG NGAYUMAN TANAH GARAPANANA KU BIBIT TANGKAL KAI.  MALAH ANU LEUWIH PARNA PIKEUN ABAH SUANTA MAH, NYAETA BARENG JEUNG BEAKNA TATANGKALAN PARA PERANGKAT PENGELOLANA OGE TINGKERELES NGALEUNGIT TEUING DIMANA ARAYANA ESTUNING “CUL DOGDOG TINGGAL IGEL” TEH LAIN BABASAAN. TEU BOGA RASA TANGGUNGJAWAB MIROSEA LEUWEUNG NU DI BABADNA.

 
ETA OGE KUNGSI BAH SUANTA MEUNANG BEJA. YEN CENAH AYEUNA MAH PIKEUN NGAYAKEUN BIBIT TANGKAL KAI KEUR KA PATANI TEH GEUS DISERAHKEUN KA “REKANAN” ALIAS DIBORONGKEUN KA PIHAK SWASTA, PAINGAN ATUH ABAH SUANTA SOK PARENG MANGGIHAN JELEMA PERLENTE TING SARELAP DI PAKIDULAN. ARI DISEDEK-SEDEK HORENG ETA JELEMA TEH PANGUSAHA DINA WIDANG BIBIT TANGKAL KAI, NGAHAJA NYARUMPUT DUMEH BIBIT TANGKAL KAI TEU BISA NGABUKTI. PAMUSTUNGANANA GUMEBYAR’NA “UU OTDA” TEH, KUSABAB LOBA TEUING GAYA NU NGURUSNA NEPI KA PIKEUN MELAKAN JEUNG NGAYUMAN DEUI LAHAN TANAH LEUWEUNG RAKYAT OGE TEU KASUBADANAN.

 

DINA KAAYAAN SAKARAT TAYA NU RUMAWAT AKIBAT TINA LAKU LAMPAH RAJA LEUWEUNG PASISIAN, AYA SUMBANG SIH TI PARA INOHONG ANU NYIPTAKEUN HIJI PROGRAM DINA RARAGA NYANGHAREUPAN KRISIS LEUWEUNG GUNDUL.  NYAETA PROGRAM “PHBM” SINGKATAN TINA “PENGELOLAAN HUTAN BERSAMA MASYARAKAT” ANU DIDUKUNG KU KOMPONEN MASYARAKAT LIANNA SAPERTI “LMDH” JEUNG “KTH”....?! Hanca......